Genoa 0 - 2 Udinese
0-1 Jurgen Ekkelenkamp ('66 )
0-2 Keinan Davis ('96)
0-1 Jurgen Ekkelenkamp ('66 )
0-2 Keinan Davis ('96)
Mikael Egill Ellertsson var á sínum stað í byrjunarliði Genoa sem tók á móti Udinese í seinni leik kvöldsins í efstu deild ítalska boltans.
Genoa var sterkari aðilinn í fyrri hálfleik og skapaði mikið af hættulegum stöðum en tókst ekki að klára með marki.
Seinni hálfleikurinn var jafnari og nýttu gestirnir frá Údíne færin sín, á meðan heimamenn héldu áfram að klúðra.
Jurgen Ekkelenkamp náði forystunni með skallamarki á 66. mínútu eftir frábæra fyrirgjöf frá Nicoló Zaniolo.
Genoa leitaði að jöfnunarmarki og lagði allt í sóknarleikinn í uppbótartímanum, en fékk mark í bakið frá Keinan Davis.
Lokatölur urðu því 0-2 og eru núna sex stig á milli liðanna um miðja deild. Mikael og félagar eiga 33 stig eftir 30 umferðir og eru níu stigum frá fallsæti.
Athugasemdir
