„Mér fannst við byrja heilt yfir frekar ferskt. Vorum grimmir og vorum að pressa vel. Þetta var eins og Blikaleikurinn svolítið, við vorum að skapa okkur góðar stöður en náðum ekki að setja hann í netið" sagði Adolf Daði Birgisson leikmaður FH eftir úrslitaleik gegn Stjörnunni í Þungavigtarbikarinum.
Lestu um leikinn: Stjarnan 2 - 0 FH
Hvernig líður þér eftir félagaskiptin?
„Mjög vel, ég ber miklar tilfinningar fyrir Stjörnunni, nánast uppalinn hérna, er Álftnesingur. Búinn að vera í Stjörnunni lengi, bara tilfinningar en gott að skipta um umhverfi."
Hefur nýtt umhverfi góð áhrif á þig?
„Já vonandi, það kemur í ljós. Það er undir mér komið að sanna mig og sýna hvað ég get. Vonandi gengur vel."
Voru tækifærin of fá hjá Stjörnunni, finnst þér þú fleiri tækifæri hjá FH?
„Ég veit það ekki alveg það kemur bara í ljós, hvort að Jói velji mig í liðið eða ekki, ég ætla að gera mitt besta til að hjálpa liðinu og reyna að ná árangri persónulega og liðinu auðvitað líka."
Hvernig líður þér með Jóa Kalla, projectið og stjórnina?
„Þetta er búið að vera geggjað, ákefðin og það sem þeir eru að leggja inn í þetta. Ef við strákarnir leggjum sama metnað og Ben og allir þessir gæjar eru að gera, Jói og Árni þá held ég að við getum rosalega langt."
Þú hefur þá bilandi trú á þessu liði?
„Já, alveg klárlega, hundrað prósent. Standa saman og gera þetta eins og menn. Ég held að, komnir í svolítið svona eitthvað allir á móti okkur núna, en bara áfram gakk."
