Ítalía: 40 ára gamall Quagliarella spilaði sinn síðasta leik
Fabio Quagliarella
Mynd: EPA
Fabio Quagliarella
Mynd: EPA
Sampdoria 2 - 2 Sassuolo
1-0 Manolo Gabbiadini ('8 )
1-1 Domenico Berardi ('9 )
1-2 Matheus Henrique ('11 )
2-2 Martin Erlic ('78 , sjálfsmark)
Sampdoria leikur í Serie B á næstu leiktíð en það er endanlega ljóst að liðið endar á botni Serie A á þessari leiktíð.
Liðið fékk Sassuolo í þýðingalitlum leik í kvöld í fyrsta leik næst síðustu umferðarinnar í deildinni, ljóst er að Sassuolo getur í besta falli endað í 12. sæti.
Sampdoria komst yfir í leiknum á 8. mínútu en eftir 11 mínútna leik var Sassuolo komið með forystuna og 2-1 var staðan í hálfleik.
Undir lok leiksins skoraði Martin Erlic varnarmaður Sassuolo sjálfsmark og tryggði Sampdoria stig í síðasta heimaleiknum í efstu deild í bili að minnsta kosti.
Hinn fertugi Fabio Quagliarella lék sinn síðasta leik á ferlinum fyrir Sampdoria í kvöld en hann var tekinn af velli þegar fimm mínútur voru til leiksloka.
Dómarinn leyfði honum að taka sinn tíma en á endanum barst Quagliarella í grát og samherjar hans hópuðust að honum.
Hann lék 292 leiki og skoraði 106 mörk fyrir Sampdoria. Fyrst tímabilið 2006-07 svo snéri hann aftur árið 2015 og hefur spilað með liðinu allar götur síðan.
40-year-old Fabio Quagliarella is subbed off at home and shown love by the Sampdoria fans.
— CBS Sports Golazo ?? (@CBSSportsGolazo) May 26, 2023
A Serie A legend. ???? pic.twitter.com/IfuYrQR6vT
Serie A - karlar
| # | Lið | L | mun | Stig |
|---|---|---|---|---|
| 1 | Roma | 5 | +11 | 13 |
| 2 | Inter | 5 | +7 | 13 |
| 3 | Lazio | 5 | +5 | 13 |
| 4 | Cagliari | 5 | +3 | 12 |
| 5 | Milan | 5 | +6 | 11 |
| 6 | Frosinone | 5 | +5 | 10 |
| 7 | Juventus | 5 | +4 | 10 |
| 8 | Como | 5 | +3 | 10 |
| 9 | Napoli | 5 | +1 | 7 |
| 10 | Sassuolo | 5 | 0 | 7 |
| 11 | Atalanta | 5 | -2 | 6 |
| 12 | Lecce | 5 | -5 | 6 |
| 13 | Udinese | 5 | -3 | 4 |
| 14 | Torino | 5 | -3 | 4 |
| 15 | Parma | 5 | -3 | 4 |
| 16 | Monza | 5 | -4 | 4 |
| 17 | Fiorentina | 5 | -6 | 4 |
| 18 | Bologna | 5 | -3 | 2 |
| 19 | Genoa | 5 | -7 | 1 |
| 20 | Venezia | 5 | -9 | 0 |
