Pepe átti frábæra tíma hjá Real Madrid en þar lék hann í tíu ár og vann fullt af titlum. Pepe er orðinn 38 ára gamall í dag en er enn í fullu fjöri hjá Porto, sem spilar í Meistaradeild Evrópu.

Pepe fæddist í Brasilíu og bjó þar þangað til hann var 18 ára gamall en þá fluttist hann til Portúgal og hóf að spila með Maritimo. Hann segir að hann hafi sofið upp í hjá móður sinni, allt til 17 ára aldurs.

„Áður en ég kom til Portúgal þá svaf ég upp í hjá mömmu, til 17 ára aldurs. Þið getið ímyndað ykkur hvernig ég var," sagði Pepe.

„Mamma sagði við mig um daginn að ég hélt alltaf í hárið á henni og svaf alveg upp við hana. Fólk kallar mig rasshaus en svona var ég."

„Ég gat alls ekki ímyndað mér að ég myndi vinna Meistaradeild Evrópu þrisvar sinnum á mínum ferli. Ég var sofandi upp í hjá mömmu sautján ára gamall."