Priske er Dani sem var lengi vel aðstoðarþjálfari í heimalandi sínu. Hann var aðstoðarþjálfari Midtjylland frá 2011 til 2016, svo var hann aðstoðarþjálfari FC Kaupmannahafnar og svo aftur hjá Midtjylland áður en hann gerðist þar aðalþjálfari.

Undir stjórn Priske, sem er fyrrum danskur landsliðsmaður, varð Midtjylland danskur meistari og komst liðið einnig í riðlakeppni Meistaradeildarinnar.

Hann hefur frá 2022 stýrt Sparta Prag í Tékklandi við góðan orðstír en liðið hefur unnið tékknesku deildina bæði árin hans við stjórnvölinn.

Núna er hinn 47 ára gamli Priske nálægt því að taka við einu stærsta félagi Hollands.