Jorginho, leikmaður Chelsea var frábær á miðsvæði liðsins í gær er liðið heimsótti Newcastle.
Chelsea var rúmlega 80% með boltann í leiknum og stjórnaði leiknum algjörlega. Ótrúlegt en satt tókst Jorginho að senda boltann 19 sinnum oftar en allt byrjunarlið Newcastle til samans í fyrri hálfleik.
Þá tókst Jorginho að klára 86 sendingar af 92 sem þýðir að 93,5% sendinga hans rötuðu á samherja í leiknum. Á sama tíma tókst Newcastle aðeins að senda boltann 67 sinnum á milli sín.
Jorginho kom til Chelsea frá Napoli og virðist halda áfram að blómstra undir stjórn Maurizio Sarri en þeir unnu einnig saman á Ítalíu.
Athugasemdir