Lið 8. umferðar - Feikilega öflugir varnarmenn

Eyjamenn eru skyndilega komnir upp í annað sætið en þeir gerðu góða ferð til Ísafjarðar og unnu 3-0 útisigur. Eiður Aron Sigurbjörnsson er í úrvalsliðinu í fjórða sinn í sumar og þá er Sito einnig í liðinu eftir að hafa skorað tvívegis.

Framarar halda áfram á sigurbraut en þeir hafa unnið alla leiki sína. Varnarmaðurinn Kyle McLagan var valinn maður leiksins í 1-0 sigri gegn Gróttu en Seltirningar eru í frjálsu falli í deildinni.

Kórdrengir jöfnuðu í 1-1 með flautumarki gegn Grindavík í stórleik umferðarinnar. Josib Zeba er fulltrúi Grindavíkur í úrvalsliðinu og Davíð Þór Ásbjörnsson er fulltrúi Kórdrengja.

Afturelding hafði yfirburði gegn Þrótti í baráttu í neðri hlutanum og vann 3-1 útisigur. Kristján Atli Marteinsson og Aron Elí Sævarsson voru bestu menn vallarins að mati Fótbolta.net.

Þá skoraði Hrvoje Tokic tvívegis þegar Selfoss vann botnbaráttuslag gegn Víkingi Ólafsvík 5-3. Áhugavert er að öll mörk leiksins voru skoruð af erlendum leikmönnum.

Sjá einnig:
Úrvalslið 7. umferðar
Úrvalslið 6. umferðar
Úrvalslið 5. umferðar
Úrvalslið 4. umferðar
Úrvalslið 3. umferðar
Úrvalslið 2. umferðar
Úrvalslið 1. umferðar