Axel Óskar Andrésson hefur verið að stíga sín fyrstu skref með aðalliði Reading að undanförnu. Axel Óskar var í byrjunarliði í sigri á Gillingham í enska deildabikarnum í síðustu viku og um síðustu helgi var hann á bekknum í leik gegn Birmingham í Championship deildinni.
„Þetta hafa verið nokkrir stórir dagar upp á síðkastið og ég vona að þetta haldi svona áfram," sagði Axel Óskar við Fótbolta.net í dag.
Stam kemur á óvart
Stjóri Reading er Jaap Stam, fyrrum varnarmaður Manchester United.
„Jesus, hvað hann er búinn að koma mér á óvart. Hann er tacitcal genius. Það er hrikalegt að fá einn besta varnarmann fyrr og síðar til að kenna manni á lífið í Reading. Þetta eru spennandi tímar. Það er hrikalega gott fyrir mig að fá að starfa með honum á hverjum degi."
„Hann hefur tekið mig í nokkra einkatíma. Ég spyr hann mikið að spurningum til að bæta minn leik. Hann er með svör við öllu og það er hrikalega gaman að vera hjá honum."
Kýldur niður á jörðina af mömmu og pabba
Axel lék í yngri flokkum Aftureldingar áður en hann fór í unglingalið Reading árið 2014.
„Þegar ég kom út í U18 ára lið Reading hélt ég að ég myndi komast í aðalliðið eins og skot. Það þurfti aðeins að kýla mig niður á jörðina. Mamma og pabbi fluttu út með mér og þau kenndu mér það. Ég var á bekknum í U18 fyrst og í fyrra var ég á bekknum í U21 liðinu þannig að ég fór í neðri deildirnar til að fá reynslu. Þetta hefur verið löng leið en þolinmæði er lykill og ég er að verða betri með tímanum."
„Þeir keyptu 8-9 leikmenn en það er jákvætt fyrir mig að þeir keyptu ekki nýjan varnarmann. Við erum að spila 3-5-2 og ég er fjórði varnarmaður eins og er. Ég er með aðalliðinu og ætla að halda áfram."
Bjartsýnn fyrir leikinn við Albaníu
Jón Daði Böðvarsson kom til Reading í sumar og Axel fagnar því að fá annan Íslending til félagsins.
„Það hefur komið mér á óvart á hverjum degi hversu mikill atvinnumaður hann er. Hann er örugglega einn mesti atvinnumaður sem ég hef kynnst ef ekki sá mesti."
Axel er í U21 árs landsliðinu sem hefur leik í undankeppni EM á mánudag klukkan 17:00 þegar Albanía kemur í heimsókn á Víkingsvöll.
„Ég býst við hörkuleik. Ef við spilum okkar leik og erum þéttan varnarleik þá erum við gæði fram á við í Alberti (Guðmundssyni) og Óttari (Magnúsi Karlssyni) sem eru hrikalegir. Við eigum góðan séns á að vinna þessa stráka í Albaníu," sagði Axel.
Hér að ofan má sjá viðtalið í heild sinni.
Athugasemdir