,,Ég var mjög ánægður með mína eigin frammistöðu en það sem gladdi mig meira var sigur okkar. Þetta var gott fyrir okkur og stuðningsmenn okkar. Núna held ég að við munum komast í gírinn og gera það sem við getum gert," sagði Ondo í samtali við Fótbolta.net.

,,Það var mikill léttir að ná fyrsta sigrinum því það var svo langt síðan við unnum leik, núna er það búið og við munum reyna að halda okkur á sigurbraut."

Ondo skoraði eins og fyrr segir tvö mörk í gær og er kominn með þrjú í sumar.

,,Það er alltaf gott að skora mörk þegar maður er framherji. Það sem gleður mig samt meira er ánægja leikmanna, stuðningsmanna og allra í kringum félagið því það voru allir langt niðri vegna stöðunnar sem við vorum í."

Fyrra markið sem Ondo skoraði kom úr vítaspyrnu eftir að Ingvar Kale braut á honum.

,,Ingvar markvörður Breiðabliks greip í löppina á mér og ég gat ekki skotið, mér fannst þetta vera víti," sagði Ondo sem kann vel við Ólaf Örn Bjarnason nýja þjálfara Grindavíkur.

,,Ég er mjög ánægður með nýja þjálfarann, hann virkar á mig sem mjög góður náungi."

,,Móralinn verður góður núna, ég held það alla veganna. Í gær vantaði okkur Scotty Ramsey, Grétar Ólaf og Jóhann Helgason. Þegar þeir koma í næsta leik þá verður liðið betra," sagði Ondo að lokum í samtali við Fótbolta.net.

Sjá einnig:
Leikmaður 6.umferðar - Sigurbjörn Hreiðarsson (Valur)
Leikmaður 5.umferðar - Haukur Páll Sigurðsson (Valur)
Leikmaður 4.umferðar - Haukur Baldvinsson (Breiðablik)
Leikmaður 3.umferðar - Eyþór Helgi Birgisson (ÍBV)
Leikmaður 2.umferðar - Sævar Þór Gíslason (Selfoss)
Leikmaður 1.umferðar - Steinþór Freyr Þorsteinsson (Stjarnan)