Aron Einar Gunnarsson gekk til liðs við Al-Gharafa frá Katar á dögunum frá Þór en hann gæti spilað sinn fyrsta leik fyrir félagið í dag.
Aron þekkir vel til í Katar en hann spilaði með Al-Arabi áður en hann gekk til liðs við Þór í sumar.
Al-Gharafa spilar í Meistaradeild Asíu gegn Al-Ain frá Sameinuðu Arabísku Furstadæmunum klukkan 18 í kvöld.
Það vekur athygli að stjóri Al-Ain er Argentínumaðurinn Hernan Crespo en hann spilaði sem framherji á sínum tíma með liðum á borð við Chelsea, Milan og Inter.
Hann lék 64 landsleiki fyrir hönd Argentínu og skoraði 35 mörk. Hann er fjórði markahæsti landsliðmaður Argentínu í sögunni á eftir Lionel Messi, Gabriel Batistuta og Sergio Aguero.
Athugasemdir
