Spáin:
1. ?
2. ?
3. ?
4. ?
5. ?
6. ?
7. ?
8. ?
9. Þróttur 81 stig
10. KV 73 stig
11. HK 61 stig
12. Tindastóll 28 stig

9. Þróttur
Heimasíða: trottur.is
Lokastaða í fyrra: 10. sæti í 1. deild

Þróttarar voru einungis stigi frá því að falla niður í 2. deild á síðasta tímabili. Zoran Miljkovic tók þá við liðinu af Páli Einarssyni um mitt sumar en Gregg Ryder tók síðan við liðinu síðastliðið haust.

Þjálfararnir: Hinn 25 ára gamli Gregg Ryder mun þreyta frumraun sína sem aðalþjálfari í sumar. Gregg er frá Newcastle á Englandi en hann hefur þjálfað yngri flokka í Vestmannaeyjujm undanfarin ár auk þess sem hann var í þjálfarateymi meistaraflokks ÍBV í fyrra.

Hvað segir Ágúst Þór? Ágúst Þór Ágústsson er álitsgjafi síðunnar um 1. deild karla. Ágúst lék meðal annars með Breiðabliki og Fjölni á sínum tíma en hann hefur spilað í öllum deildum á Íslandi og hefur að auki fylgst mjög vel með neðri deildunum í fjölda ára

Styrkleikar: Þróttur hefur í gegnum tíðina verið stemmningslið þar sem leikgleðin hefur ráðið ríkjum og liðið farið langt á því. Þróttarar hafa fengið Rafn Andra til baka frá Breiðablik og hann mun vera algjör lykilmaður hjá Þrótti ef hann helst heill. Andri Björn hefur verið heitur í vetur og þarf að halda áfram að skora fyrir þá í sumar. Varnarleikur liðsins hefur verið agaður í vetur og liðið ekki verið að fá á sig mikið af mörkum.

Veikleikar: Liðið hefur verið að fara í gegnum miklar mannabreytingar síðustu tímabil og leikmannavelta liðsins frekar há. Liðið er ungt og gæti brotnað auðveldlega í mótlæti. Þjálfari liðsins er á svipuðum aldri og margir leikmenn liðsins og spurning hvernig það mun ganga upp. Sóknarleikur liðsins gæti orðið hausverkur, einungis tveir leikmenn sem komust á blað í Lengjubikarnum.

Lykilmenn: Karl Brynjar Björnsson, Alexander Veigar Þórarinsson, Andri Björn Sigurðsson.

Fylgist með: Jón Konráð Guðbergsson. Hraður og áræðinn leikmaður sem kom vel inn hjá Þrótti í fyrra. Fær stærra hlutverk í sumar og gaman að sjá hvernig hann mun nýta það

Líklegt byrjunarlið í upphafi móts:


Komnir:
Alexander Veigar Þórarinsson frá BÍ/Bolungarvík
Aron Ýmir Pétursson frá ÍA
Ingólfur Sigurðsson frá Val
Matt Eliason frá Bandaríkjunum
Ragnar Pétursson frá ÍBV
Rafn Andri Haraldsson frá Breiðabliki

Farnir:
Arnþór Ari Atlason í Fram
Aron Ýmir Pétursson (Var á láni)
Denis Sytnik (Var á láni)
Sveinbjörn Jónasson í Víking R.
Viktor Unnar Illugason í HK

Fyrstu leikir Þróttar
9. maí Haukar - Þróttur
17. maí Þróttur - KA
23. maí Selfoss - Þróttur