Lið vikunnar í enska - Trent og Van Dijk saman

Markvörður: David Martin (West Ham United) - Þriðji markvörður West Ham fékk tækifærið og greip það opnum örmum. Lék sinn fyrsta úrvalsdeildarleik, 33 ára, og hélt hreinu í óvæntum sigri gegn Chelsea.

Varnarmaður: Trent Alexander-Arnold (Liverpool) - Átti tvær geggjaðar fyrirgjafir sem bjuggu til mörk Van Dijk gegn Brighton.

Varnarmaður: Virgil van Dijk (Liverpool) - Besti varnarmaður deildarinnar skoraði bæði mörk Liverpool í 2-1 sigrinum gegn Brighton.

Varnarmaður: Aaron Cresswell (West Ham United) - Átti magnaðan leik og skoraði sigurmarkið gegn Chelsea.

Miðjumaður: James Ward-Prowse (Southampton) - Skoraði sigurmarkið gegn Watford úr fallegri aukaspyrnu.

Miðjumaður: Jack Grealish (Aston Villa) - Skoraði í jafnteflinu gegn Manchester United en frammistaða hans á heildina var frábær.

Miðjumaður: Kevin De Bruyne (Man City) - Stóð fyrir sínu og skoraði gegn Newcastle en City þurfti að sætta sig við jafntefli.

Miðjumaður: Todd Cantwell (Norwich) - Skoraði og gerði varnarmönnum lífið leitt í jafnteflisleik. Spennandi leikmaður.

Sóknarmaður: Kelechi Iheanacho (Leicester City) - Átti stórkoslega innkomu af bekknum og var lykill að því að Leicester kom til baka og vann dramatískan sigur gegn Everton.

Sóknarmaður: Pierre-Emerick Aubameyang (Arsenal) - Hefur unnið ellefu stig fyrir Arsenal með mörkum sínum á þessu tímabili.

Sóknarmaður: Dele Alli (Tottenham) - Hefur komið að þremur mörkum með beinum hætti í tveimur úrvalsdeildarleikjum undir stjórn Jose Mourinho.