Kwame með Víkingi í fyrra
Á landsliðsæfingu í mars
Kwame Quee samdi við Víking Reykjavík í vetur um að leika með liðinu á leiktiðinni. Kwame er frá Sierra Leone og verður 25 ára seinna í ár. Hann var á láni hjá Víkingi frá Breiðabliki í fyrra.
Hann er ekki kominn til landsins en það styttist í að það breytist. Víkingar vinna í því að finna flug fyrir hann til landsins.
Hann er ekki kominn til landsins en það styttist í að það breytist. Víkingar vinna í því að finna flug fyrir hann til landsins.
„Eins og ég best veit er hann kominn með alla pappíra núna og við erum að koma honum til landsins. Í kjölfarið tekur við sóttkví og í besta falli sé ég að hann geti verið klár gegn Stjörnunni í þriðju umferð," sagði Arnar Gunnlaugsson, þjálfari Víkings, við Fótbolta.net í dag.
Sénsinn ekki tekinn í gær
Landsliðsmaðurinn Kári Árnason lék ekki með Víkingi í gær.
„Staðan á Kára er fín. Við þurfum aðeins að bæta í æfingaprógraminu hans til að hann eigi möguleika í að spila gegn ÍA."
„Hann æfði alveg 60-70% síðustu tvær eða þrjár æfingarnar fyrir leikinn í gær en ekki alveg nægilega mikið til að taka sénsinn með þann leik. Við tökum stöðuna þegar líður á vikuna," sagði Arnar.
Víkingur mætir ÍA á laugardag og svo Stjörnunni á fimmtudag eftir rúma viku. Víkingur byrjaði mótið á 1-0 sigri gegn Keflavík í gær.
Athugasemdir
