Breiðablik mun á fimmtudag spila við Aberdeen frá Skotlandi í forkeppni Sambandsdeildarinnar.
Blikar unnu magnaðan sigur á Austria Vín frá Austurríki í síðustu viku og núna er næsta verkefni Aberdeen.
Sambandsdeildin er ný keppni á vegum UFEA, C-deild Evrópukeppna á eftir Meistaradeildinni og Evrópudeildinni. Þetta er fyrsta útgáfa keppninnar.
Íslenskt félagslið hefur aldrei komist í riðlakeppni í Evrópukeppni, en gæti það breyst núna?
Breiðablik er eina íslenska liðið sem er eftir. Liðið er búið að komast í gegnum Racing Union frá Lúxemborg og Austria Vín. Núna þurfa Blikar að vinna tvö einvígi í viðbót.
Ef Breiðablik nær að leggja Aberdeen, þá bíður annað hvort AEL Limassol frá Kýpur eða Qarabag frá Aserbaídsjan í næstu umferð.
Sjá einnig:
Blikar búnir að tryggja sér um 125 milljónir
„Eina leiðin er að þora að vera við sjálfir"
Athugasemdir
