03.08.21 - 10:54
Elvar Geir Magnússon
Ólympíuleikarnir: Brasilía leikur um gullið þriðju leikana í röð
Johan Vasquez rennir sér í boltann í baráttu við Richarlison.
Mynd: Getty Images
Johan Vasquez rennir sér í boltann í baráttu við Richarlison.
Mynd: Getty Images
Það þurfti vítakeppni til að knýja fram niðurstöðu í undanúrslitaleik Brasilíu og Mexíkó á Ólympíuleikunum í Japan.
Staðan var markalaus eftir venjulegan leiktíma og framlengingu og réðust úrslitin því á vítapunktinum.
Mexíkó klúðraði fyrstu tveimur spyrnum sínum á meðan Brasilíu brást ekki bogalistin. Dani Alves, Gabriel Martinelli, Bruno Guimaraes og Reinier skoruðu úr spyrnum Brasilíu sem vann 4-1 í vítaspyrnukeppninni.
Þetta eru þriðju Ólympíuleikarnir í röð þar sem Brasilía kemst í leikinn um gullið en 2012 í London mætti liðið einmitt Mexíkó í úrslitaleiknum en tapaði.
Staðan var markalaus eftir venjulegan leiktíma og framlengingu og réðust úrslitin því á vítapunktinum.
Mexíkó klúðraði fyrstu tveimur spyrnum sínum á meðan Brasilíu brást ekki bogalistin. Dani Alves, Gabriel Martinelli, Bruno Guimaraes og Reinier skoruðu úr spyrnum Brasilíu sem vann 4-1 í vítaspyrnukeppninni.
Þetta eru þriðju Ólympíuleikarnir í röð þar sem Brasilía kemst í leikinn um gullið en 2012 í London mætti liðið einmitt Mexíkó í úrslitaleiknum en tapaði.
Á laugardaginn klukkan 11:30 fer úrslitaleikurinn fram í Yokohama. Brasilía mun þar mæta Spáni eða Japan sem leika í undanúrslitum núna klukkan 11:00.
