Heimild: Morgunblaðið
„Við bjuggumst að sjálfsögðu við erfiðum leik enda eru þeir með virkilega gott lið," sagði Eggert Gunnþór Jónsson, miðjumaður nýkrýndra bikarmeistara SönderjyskE í viðtali við Morgunblaðið.
Eggert lék fyrstu 62 mínúturnar í leiknum og fékk sjö í einkunn fyrir frammistöðu sína. Þetta var fyrsti stóri titill SönderjyskE og Eggert segir það hafa verið mikla hvatningu fyrir leikmenn að gera vel gegn Álaborg í vikunni.
„Það var mikil hvatning fyrir okkur fyrir leikinn, vitandi það að SønderjyskE hafði aldrei unnið stóran titil áður. Að sama skapi þarf lítið að hvetja mann áfram þegar það er bikar í boði og það var í sjálfu sér alveg næg hvatning fyrir leikmenn liðsins fyrir leikinn," sagði Eggert. Nánar er hægt að lesa um Eggert í grein Morgunblaðsins í morgun.
Sjá einnig:
Eggert Gunnþór: Það styttist í að maður spili á Íslandi
Danmörk: Eggert Gunnþór bikarmeistari
Athugasemdir