04.11.25 - 10:13
Sæbjörn Þór Þórbergsson Steinke
Ingimar Stöle á leið í Val
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Ingimar Torbjörnsson Stöle er samkvæmt heimildum Fótbolta.net að ganga í raðir Vals en hann kemur á frjálsri sölu frá KA þar sem samningur hans er að renna út. Hann verður fyrsti leikmaðurinn sem nýr þjálfari, Hermann Hreiðarsson, fær í raðir Vals.
Ingimar var ekki í stóru hlutverki hjá KA framan af tímabili en festi sig svo í stöðu hægri kantmanns þegar leið á tímabilið. Hann lék í sóknarlínunni með þeim Hallgrími Mar Steingrímssyni, Birni Snæ Ingasyni og Jóan Símun Edmundsson.
Ingimar var ekki í stóru hlutverki hjá KA framan af tímabili en festi sig svo í stöðu hægri kantmanns þegar leið á tímabilið. Hann lék í sóknarlínunni með þeim Hallgrími Mar Steingrímssyni, Birni Snæ Ingasyni og Jóan Símun Edmundsson.
TENGT EFNI
Óvíst hvort Ingimar verði áfram fyrir norðan - „Virkilega gaman að komast í stærra hlutverk"
Ingimar er fæddur 2004 og hefur leyst báðar bakvarðastöðurnar og spilað á kantinum með KA. Hann kom til KA fyrir tímabilið 2023.
Hann á að baki tvo leiki með U19, tvo vináttuleiki með U20 og einn með U21. Hann er uppalinn hjá Fjölni og var svo í þrjú ár hjá Viking í Noregi áður en hann kom í KA. Seinni hluta tímabilsins 2024 lék hann á láni hjá FH.
Hann kom við sögu í 23 leikjum í Bestu deildinni í sumar, byrjaði tólf þeirra, skoraði tvö mörk og lagði upp fimm samkvæmt FotMob.
Hann á að baki tvo leiki með U19, tvo vináttuleiki með U20 og einn með U21. Hann er uppalinn hjá Fjölni og var svo í þrjú ár hjá Viking í Noregi áður en hann kom í KA. Seinni hluta tímabilsins 2024 lék hann á láni hjá FH.
Hann kom við sögu í 23 leikjum í Bestu deildinni í sumar, byrjaði tólf þeirra, skoraði tvö mörk og lagði upp fimm samkvæmt FotMob.
