Ísak Bergmann Jóhannesson.
Ísak Bergmann Jóhannesson hefur verið ónotaður varamaður í fyrstu þremur leikjum FC Kaupmannahafnar eftir vetrarfrí. Hann hefur ekki fengið eina mínútu.
Þessi 19 ára gamli leikmaður hefur ekki verið í stóru hlutverki með FCK á tímabilinu og er það áhyggjuefni fyrir íslenska landsliðið. Það er ekki langt síðan hann var orðaður við stór félög á borð við Liverpool og Manchester United, en staða hans er núna ekki góð í Danmörku.
Þessi 19 ára gamli leikmaður hefur ekki verið í stóru hlutverki með FCK á tímabilinu og er það áhyggjuefni fyrir íslenska landsliðið. Það er ekki langt síðan hann var orðaður við stór félög á borð við Liverpool og Manchester United, en staða hans er núna ekki góð í Danmörku.
„Hákon (Arnar Haraldsson) er að byrja alla leiki hjá FCK og er í flottum málum, en það eru leiðinlegar fréttir að Ísak virðist hreinlega vera í frystinum," sagði Elvar Geir Magnússon í útvarpsþættinum Fótbolta.net í gær.
„Ísak á að vera í lykilhlutverki í komandi leikjum í undankeppni EM. Landsliðsins vegna vonar maður svo sannarlega að staða hans muni breytast fljótt."
Kaupmannhöfn spilar við OB frá Óðinsvé í dönsku úrvalsdeildinni síðar í dag. Spurning er hvort Ísak fái mínútu eða meira í þeim leik.
„Þjálfarinn er að nota sama liðið og Ísak fær ekki traustið," sagði Elvar.
„Hann er geggjaður og vinnur sig bara inn í liðið," sagði Benedikt Bóas Hinriksson sem var með Elvar í þættinum.
Þjálfari FCK er Jacob Neestrup, fyrrum leikmaður FH, en Ísak hefur ekki verið að fá mikið traust hjá honum. Hægt er að hlusta á alla umræðuna í spilaranum hér fyrir neðan.
Stol på ham8??
— Gustav (@Gustav883) March 3, 2023
Han vil rejse sig igen??#fcklive #sldk pic.twitter.com/4guNsXW8Rt
Athugasemdir
