Víkingur Ólafsvík mætti Grindavík í fjörugum æfingaleik í dag, viku fyrir upphaf Íslandsmótsins.

Liðin munu mæta hvoru öðru að minnsta kosti tvisvar sinnum yfir næstu mánuði þar sem bæði lið leika í Lengjudeildinni í ár eftir að Grindavík féll úr Pepsi Max-deildinni.

Ólsarar höfðu betur í dag þar sem Harley Willard, Vitor Vieira Thomas og Emir Dokara sáu um markaskorunina.

Grindvíkingar stóðu þó í Víkingi og skoruðu tvö mörk í leiknum. Hilmar McShane gerði eitt og Guðmundur Magnússon eitt.

Fyrri leikur Ólsara og Grindvíkinga fer fram þriðjudag eftir verslunarmannahelgi í Ólafsvík. Seinni leikurinn er settur á 23. september í Grindavík.