Lars Óli Jessen leikmaður Magna frá Grenivík var ekki sáttur eftir að lenda undir valtara Þróttara fyrr í dag er liðið tapaði 7 - 0 í Laugardalnum.
Lestu um leikinn: Þróttur R. 7 - 0 Magni
„Hvað getur maður sagt eftir 7 - 0 tap, maður þarf aðeins að melta þetta."
„Mér fannst fyrstu 25 mínúturnar vera ein af okkar bestu á útivelli á þessu tímabili en síðan gerist bara eitthvað þegar við fáum á okkur mark."
Magnamenn fengu á sig sjö mörk og misnotuðu vítaspyrnu í leiknum.
„Hlutirnir eru ekki að falla með okkur, en þetta er ekkert sem hefði ráðið úrslitum í dag. Það er bara fullt annað sem við þurfum að laga."
Magni reynir að fá sín fyrstu stig á útivelli í næstu umferð þegar það er hörku leikur á Akureyri þegar þeir heimsækja Þór.
Athugasemdir