„Mér líður frábærlega. Þetta var góður leikur fannst mér frá okkur. Fyrri hálfleikur kannski aðeins sloppy, tempoið vantaði, en við komum og sýndum í seinni hálfleik að við vorum miklu betri" sagði Viktor Bjarki Daðason, leikmaður u21 landslið Íslands eftir 6-2 sigur á heimavelli gegn Eistlandi.
Lestu um leikinn: Ísland U21 6 - 2 Eistland U21
Hvernig fannst þér að spila með Daníel Guðjohnsen uppi?
„Mér fannst frábært að spila með honum. Við báðir skoruðum tvö mörk og mér fannst við vinna vel saman, það er mjög þægilegt að spila með honum og mér fannst það virka bara mjög vel."
Myndiru segja að þetta er draumabyrjunin á u21 landsliðsferlinum?
„Já, ég meina kannski ef ég hefði fengið þrennu, það hefði kannski verið aðeins betra. En ég er mjög ánægður með frammistöðuna."
Geturðu lýst mörkunum sem þú skoraðir?
„Ég sá að Gústi var með fullt af plássi á vængnum sem ég sá að hann gat horft vel hvar plássið var og ég hljóp aftur fyrir hann. Svo setti ég hann bara nær. Svo í seinni hálfleik vorum við búnir að teikna upp hornspyrnu til að fara fjær og boltinn datt til til mín og ég setti hann fjær."
Hvernig líst þér á næsta leik gegn Frökkum?
„Mér líður bara mjög vel. Það er gott að vinna svona stórt og sannfærandi til þess að fara með momentum inn í leikinn. Ég hef bullandi trú að við getum gert stóra hluti á móti Frakklandi en við þurfum fyrst og fremst að spila okkar leik."
Er raunhæft að stefna á sigur?
„Já, ég held að við eigum allt í það. Við erum með hörku lið, við sýndum það í dag að við eigum alveg að fara áfram, svo að ég held að við getum gefið Frökkum leik."
Hvernig fannst þér aðstæðurnar í dag?
„Alvöru íslenskt veður. Ég var ekki alveg viss um að leikurinn myndi fara fram en þeir náðu að gera þetta, leikurinn seinkaði um hálftíma. Ég meina frábært veður núna, ánægður."
