Albert Riera.
Samkvæmt heimildum Sky er vaxandi óánægja innan herbúða þýska félagsins Eintracht Frankfurt með spænska þjálfarann Albert Riera sem var ráðinn til félagsins fyrr á tímabilinu.
Riera hefur vissulega náð að þétta varnarleik liðsins en á móti hefur sóknarleikurinn dalað töluvert.
Nýjustu úrslit liðsins hjálpa honum ekki. Tap gegn Mainz og markalaust jafntefli gegn St. Pauli hafa aukið á áhyggjurnar, en jafnvel gegn botnliði Heidenheim tókst liðinu aðeins að skora eitt mark.
Ef úrslitin og frammistaðan batnar ekki fljótlega gæti staða hans verið í verulegri hættu, þrátt fyrir að hann hafi aðeins verið í starfi í rúman mánuð.
Riera, sem er 43 ára, spilaði með Liverpool frá 2008 til 2010 en hann þjálfaði Celje í Slóveníu áður en hann tók við Frankfurt.
