Þeir tóku á móti Hamburger SV og töpuðu leiknum 0-3 þrátt fyrir að hafa átt mikið af góðum færum, þar sem Ísak skapaði nokkur dauðafæri sem fóru þó forgörðum.

Þetta er fyrsta tapið hjá Düsseldorf á nýju tímabili og er liðið á toppi deildarinnar með 17 stig eftir 8 umferðir.

Í efstu deild danska boltans gerði Sævar Atli Magnússon jöfnunarmark Lyngby í 1-1 jafntefli á útivelli gegn Randers á meðan Daníel Leó Grétarsson og félagar í liði Sönderjyske steinlágu á heimavelli gegn Nordsjælland.

Lyngby og Nordsjælland eru í fallbaráttunni með 8 stig eftir 11 umferðir.

Mikael Anderson var þá í byrjunarliði Árósa sem gerðu jafntefli við Viborg. Þetta var fjórði jafnteflisleikurinn í röð hjá AGF og situr liðið í öðru sæti með 20 stig.

Það fóru einnig leikir fram í Svíþjóð, þar sem Íslendingalið Norrköping tapaði á heimavelli gegn Göteborg, en Kolbeinn Þórðarson var ekki með í liði gestanna.

Ísak Andri Sigurgeirsson og Arnór Ingvi Traustason voru í liði Norrköping og bar Arnór fyrirliðabandið, en þeim tókst ekki að koma í veg fyrir 0-2 tap í nokkuð jafnri viðureign.

Norrköping er þremur stigum fyrir ofan fallsæti þegar fjórar umferðir eru eftir.

Andri Fannar Baldursson var ónotaður varamaður í 4-1 tapi Elfsborg á útivelli gegn Sirius á meðan Malmö gerði 1-1 jafntefli við Varnamo en Daníel Tristan Guðjohnsen var ekki í hóp.

Malmö er aðeins einum sigri frá því að tryggja sér Svíþjóðarmeistaratitilinn í ár á meðan Elfsborg er sex stigum frá Evrópusæti.

Að lokum vann Ajax 3-1 sigur gegn Groningen í efstu deild hollenska boltans, en Kristian Nökkvi Hlynsson og Brynjólfur Andersen Willumsson voru ekki með.

Randers 1 - 1 Lyngby
1-0 Oliver Olsen ('40)
1-1 Sævar Atli Magnússon ('66)

Dusseldorf 0 - 3 Hamburger SV

Sonderjyske 1 - 4 Nordsjælland

Viborg 1 - 1 AGF

Norrkoping 0 - 2 Goteborg

Sirius 4 - 1 Elfsborg

Malmo 1 - 1 Varnamo

Ajax 3 - 1 Groningen