Bamford leikfær á sunnudaginn - Langur meiðslalisti Leeds

Góðar fréttir fyrir Leeds. Sóknarmaðurinn Patrick Bamford er að jafna sig af meiðslum og verður leikfær á sunnudaginn þegar liðið leikur gegn West Ham á London leikvangnum í þriðju umferð FA bikarsins.

Bamford er lykilmaður í sóknarleik Leeds vegna meiðsla hefur hann aðeins náð að spila sex leiki í ensku úrvalsdeildinni á þessu tímabili.

„Patrick Bamford mun líklega spila á sunnudaginn. Kalvin Phillips og Liam Cooper verða frá þar til í mars, Jamie Shackleton og Charlie Cresswell eftir landsleikjaglugga," segir Marcelo Bielsa.

„Það er ekki hægt að segja til um hvenær Rodrigo og Pascal Struijk verða klárir. Tyler Roberts og Joe Gelhardt verða frá í um mánuð."

Hinn ungi Gelhardt meiddist á ökkla á æfingu.