Bruno Fernandes var allt annað en sáttur í leikslok þegar hann var tekinn í viðtal eftir leik Manchester United og Everton. Leikurinn endaði 3-3 eftir að Everton jafnaði eftir að uppgefinn uppbótartími var útrunninn.
Everton fékk aukaspyrnu aftarlega á vallarhelmingi United og náði Dominic Calvert-Lewin að koma boltanum í netið eftir hana.
„Mér fannst við gefa úrslitin frá okkur, við gáfum leikinn frá okkur í tvígang," sagði Bruno.
„Við vorum 2-0 yfir í hálfleik og komum svona illa til leiks í seinni, það er mjög slæmt. Við fáum á okkur mörk í hverjum leik, við fáum á okkur of mörg mörk á heimavelli."
„Of mörg slæm úrslit á heimavelli, þetta á ekki að vera hægt. Við verðum að vinna þennan leik eftir að komast í 2-0. Það skiptir ekki máli hvernig, við fáum á okkur tvö mörk og við bætum við einu í viðbót. Það er ómögulegt að fá á okkur enn eitt markið, úr aukaspyrnu við miðlínu. Þetta er ekki ásættanlegt."
Bruno var spurður hvort að United hafi mögulega haldið að sigurinn væri unninn áður en Everton jafnaði. „Mögulega er það vandamálið, ég veit það ekki. Ég fann ekki þá tilfinningu en veit ekki hvað liðsfélagarnir fundu en það má ekki hugsa þannig áður en leiknum er lokið."
Manchester United mætir West Ham í ensku bikarkeppninni á þriðjudag.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 24 | 16 | 5 | 3 | 46 | 17 | +29 | 53 |
| 2 | Man City | 24 | 14 | 5 | 5 | 49 | 23 | +26 | 47 |
| 3 | Aston Villa | 24 | 14 | 4 | 6 | 35 | 26 | +9 | 46 |
| 4 | Man Utd | 24 | 11 | 8 | 5 | 44 | 36 | +8 | 41 |
| 5 | Chelsea | 24 | 11 | 7 | 6 | 42 | 27 | +15 | 40 |
| 6 | Liverpool | 24 | 11 | 6 | 7 | 39 | 33 | +6 | 39 |
| 7 | Brentford | 24 | 11 | 3 | 10 | 36 | 32 | +4 | 36 |
| 8 | Sunderland | 24 | 9 | 9 | 6 | 27 | 26 | +1 | 36 |
| 9 | Fulham | 24 | 10 | 4 | 10 | 34 | 35 | -1 | 34 |
| 10 | Everton | 24 | 9 | 7 | 8 | 26 | 27 | -1 | 34 |
| 11 | Newcastle | 24 | 9 | 6 | 9 | 33 | 33 | 0 | 33 |
| 12 | Bournemouth | 24 | 8 | 9 | 7 | 40 | 43 | -3 | 33 |
| 13 | Brighton | 24 | 7 | 10 | 7 | 34 | 32 | +2 | 31 |
| 14 | Tottenham | 24 | 7 | 8 | 9 | 35 | 33 | +2 | 29 |
| 15 | Crystal Palace | 24 | 7 | 8 | 9 | 25 | 29 | -4 | 29 |
| 16 | Leeds | 24 | 6 | 8 | 10 | 31 | 42 | -11 | 26 |
| 17 | Nott. Forest | 24 | 7 | 5 | 12 | 24 | 35 | -11 | 26 |
| 18 | West Ham | 24 | 5 | 5 | 14 | 29 | 48 | -19 | 20 |
| 19 | Burnley | 24 | 3 | 6 | 15 | 25 | 47 | -22 | 15 |
| 20 | Wolves | 24 | 1 | 5 | 18 | 15 | 45 | -30 | 8 |
Athugasemdir
