Heimir Guðjónsson, þjálfari Vals
Valur og Víkingur mættust í toppslag á Origovellinum á Hlíðarenda í kvöld og endaði leikurinn með 1-1 jafntefli en Valsmenn fengu á sig jöfnunarmark á 95 mínútu þegar Nikolaj Hansen skoraði.
„Ég held að það hafi verið 20-30 sekúndur eftir af leiknum þegar markið kom og við náðum bara ekki að díla nógu vel við þessa fyrirgjöf og hún fór yfir hinumegin og aftur fyrir þannig það var svekkjandi að ná ekki halda þessu í 1-0."
„Ég held að það hafi verið 20-30 sekúndur eftir af leiknum þegar markið kom og við náðum bara ekki að díla nógu vel við þessa fyrirgjöf og hún fór yfir hinumegin og aftur fyrir þannig það var svekkjandi að ná ekki halda þessu í 1-0."
Lestu um leikinn: Valur 1 - 1 Víkingur R.
Heimir Guðjónsson, þjálfari Vals, var spurður hvort þetta hafi verið slakasti leikur Vals í sumar.
„Þetta var ekki okkar slakasti en fyrri hálfleikurinn var ekki góður, lítið flot á boltanum. Mér fannst Víkingarnir bara miklu hungraðri í fyrri hálfleiknum en í seinni hálfleiknum um leið og við fórum að setja tempó í þetta og skipta boltanum milli vængja þá gekk þetta fínt."
„Vonbrigðin voru þau að síðustu tuttugu mínúturnar þá áttum við gríðarlega mikla möguleika á að fá góðar skyndisóknir en tókum rangar ákvarðanir á boltanum."
Þriðjungur er búin af Pepsi Max-deildinni. Er Heimir sáttur með þessa sjö leiki sem eru búnir í deildinni?
„Við erum sáttir við stigasöfnunina en eins og ég hef sagt áður þá þýðir lítið fyrir okkur að vera tala um það að við þurfum að spila betur, við þurfum að fara gera það."
Viðtalið í heild sinni má sjá í sjónvarpinu hér að ofan.
Athugasemdir
