„Við erum spenntir, búnir að vera bíða eftir þessu lengi. Undirbúningstímabilið er langt, sólin er alltaf að fara hærra og fótboltatímabilið er að byrja. Það er mikil tilhlökkun," segir Sölvi Geir Ottesen, þjálfari Íslandsmeistaranna í Víkingi, þegar tveir dagar eru í opnunarleik Bestu deildarinnar.
Á föstudag tekur Víkingur á móti Breiðablik og þá hefst deildin. Víkingum er spáð toppsætinu í öllum spám og segir Sölvi að skotmarkið á þeim sé stærra en það var fyrir síðasta tímabil.
Á föstudag tekur Víkingur á móti Breiðablik og þá hefst deildin. Víkingum er spáð toppsætinu í öllum spám og segir Sölvi að skotmarkið á þeim sé stærra en það var fyrir síðasta tímabil.
„Það er alltaf þannig að öll lið vilja meistarana frá síðasta sumri. Skotmarkið er stærra. Það gefur liðunum auka innspýtingu að keppa á móti okkur. Við höfum lent í því og við þurfum að vera meðvitaðir um það. Þetta byrjar allt á æfingasvæðinu, hvernig menn leggja sig fram þar, við þurfum að gera meira en við gerðum í fyrra til þess að ná okkar markmiðum. Byrjunin er að vera meðvitaður um það til þess að geta gert það," segir Sölvi Geir.
„Það er mjög skemmtilegt að mæta Blikum í fyrsta leik, óvanalegt að sjá þessi tvö lið mætast í fyrstu umferð, en það er bara skemmtilegt. Byrjum deildina af alvöru krafti."
Undirbúningstímabilið var styttra á fyrsta ári Sölva sem aðalþjálfari því Víkingur spilaði í Sambandsdeildinni í febrúar í fyrra. „Það var áskorun og maður sá það í byrjun móts að við vorum ekki alveg upp á okkar besta. Ég veit ekki hvort að ég hafi ekki verið að gera nógu góða hluti eða hvort tímabilið á undan hafi setið í mönnum. Það lukkaðist allt í endann."
Viðtalið í heild sinni má sjá í spilaranum efst
1. umferðin í Bestu
föstudagur 10. apríl>
19:15 Víkingur R.-Breiðablik (Víkingsvöllur)
sunnudagur 12. apríl
13:00 ÍBV-FH (Hásteinsvöllur)
17:00 KR-Keflavík (Meistaravellir)
17:00 Valur-Þór (N1-völlurinn Hlíðarenda)
17:00 KA-Stjarnan (Greifavöllurinn)
19:30 Fram-ÍA (Lambhagavöllurinn)





















