Rangers frá Skotlandi hefur farið þessa leiktíð stórkostlega af stað.
Liðið tók á móti Hamilton Academical í skosku úrvalsdeildinni í dag og vann hvorki meira né minna en 8-0 sigur. Staðan var 4-0 í hálfleik og þeir bættu við öðrum fjórum mörkum í síðari hálfleiknum.
Rangers er eins og staðan er núna með níu stiga forskot á Celtic í deildinni, en Celtic á tvo leiki til góða. Rangers hefur ekki tapað keppnisleik á tímabilinu og er einnig á toppnum í riðli sínum í Evrópudeildinni. Þá hefur liðið haldið hreinu í 16 af 20 leikjum sínum.
Magnaður árangur til þess og spurning hvort þetta sé árið fyrir Rangers í Skotlandi. Celtic hefur unnið deildina níu sinnum í röð.
Gerrard hefur stýrt Rangers frá 2018. Hann er auðvitað fyrrum fyrirliði Liverpool og talað hefur verið um hann sem framtíðarstjóra þar þegar Jurgen Klopp hverfur á braut.
Athugasemdir