Maresca ítrekar orð sín: Við erum ekki tilbúnir í titilbaráttu

Maresca er á sínu fyrsta tímabili með Chelsea og hefur þegar ná glæsilegum árangri.

Chelsea er í öðru sæti deildarinnar aðeins fjórum stigum frá toppliði Liverpool og er farið að koma ágætis mynd á liðið eftir að hafa gengið í gegnum nokkurra ára lægð.

Ítalski stjórinn telur að liðið sé á betri stað en hann þorði að vona í byrjun leiktíðar, en að það sé eitthvað í að það geti farið að berjast um titilinn.

„Skilaboð mín til leikmanna eftir leikinn voru að halda einbeitingu dag fyrir dag, á æfingum, næsta leik á fimmtudag og síðan þarnæsta leik sem er á sunnudag. Því það er algerlega rangt að byrja að hugsa um hvar við verðum á töflunni eftir tvo, þrjá eða fjóra leiki.“

„Við erum ánægðir með að stuðningsmennirnir séu ánægðir. Þeir geta leyft sér að dreyma og geta hugsað það sem þeir vilja því utan frá er þetta fremur ljóst.“

„Raunveruleikin er sá, eins og ég hef mörgum sinnum sagt, að við erum ekki tilbúnir í að vera þarna (í titilbaráttu). Það mikilvægasta er að halda áfram að bæta okkur dag fyrir dag,“ sagði Ítalinn í lokin.