Fotbolti.net
09.06.19 - 20:37
Guðmundur Aðalsteinn Ásgeirsson

Þjóðadeildin: Portúgal fyrsta sigurliðið

Portúgal vinnur Þjóðadeildina, fyrst allra liða.

Portúgal vinnur Þjóðadeildina, fyrst allra liða.

Canon

Mynd: Getty Images

Portúgal 1 - 0 Holland
1-0 Goncalo Guedes ('60 )
Portúgal, ríkjandi Evrópumeistararnir, eru fyrstu Þjóðadeildarmeistararnir. Portúgal mætti Hollandi í úrslitaleiknum í Porto í kvöld.

Fyrri hálfleikurinn var frekar bragðdaufur og fátt um góð marktækifæri. Portúgalar voru sterkari aðilinn, en náðu þó ekki að skapa sér mikið. Staðan að loknum fyrri hálfleiknum var markalaus.


Eftir klukkutíma leik kom fyrsta markið. Það gerði Goncalo Guedes, leikmaður Valencia, eftir góðan undirbúning frá Bernardo Silva.

Smelltu hér til að sjá markið.

Ekki náðu Hollendingar að svara þessu og lokatölur því 1-0 fyrir Portúgal sem vinnur Þjóðadeildina. Þjálfarinn Fernando Santos búinn að gera magnaða hluti með þetta lið. Hann gerði það að Evrópumeisturum 2016 og núna að Þjóðadeildarmeisturum.

Þetta er í fyrsta sinn sem Þjóðadeildin er haldin. Portúgal tók gullið, Holland silfrið og England bronsið.

Guedes skoraði sigurmarkið. Ásamt honum á myndinni er Matthijs de Ligt, varnarmaður Hollands.

Guedes skoraði sigurmarkið. Ásamt honum á myndinni er Matthijs de Ligt, varnarmaður Hollands.

Canon

Mynd: Getty Images

Ronaldo er fyrirliði Portúgal.

Ronaldo er fyrirliði Portúgal.

Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.