Fótbolti.net

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

lau 09. júlí 2022 21:40

Sæbjörn Þór Þórbergsson Steinke
Manchester

Margrét Lára: Íslensk lið þurfa alltaf að eiga sinn besta leik til að ná úrslitum

Sú markahæsta frá upphafi

Mynd: Fótbolti.net - Hafliði Breiðfjörð

Af æfingunni í dag

Mynd: Fótbolti.net - Hafliði Breiðfjörð

Markadrottningin Margrét Lára Viðarsdóttir er ein af sérfræðingum RÚV í kringum EM kvenna sem nú fer fram á Englandi. Fótbolti.net ræddi við Margréti á meðan kvennalandsliðið æfði á Academy leikvanginum í Manchester þar sem liðið mun svo spila á morgun.

„Ég held að leikmönnum hljóti að líða ótrúlega vel. Hér er sól og blíða, frábærar vallaraðstæður. Það styttist óðum í leik, leik sem margar eru búnar að bíða eftir í fimm ár. Ég held ég að tilhlökkunin sé fyrst og fremst mikil og góð pressa. Það að koma hingað og æfa er góð næring held ég," sagði Margrét Lára.

„Mér finnst þessi völlur mjög flottur og einhvern tímann hefði hann talist mjög góður á kvennaknattspyrnu mælikvarða. En auðvitað gerum við kröfum og viljum hafa þetta stærra. Þetta mætti alveg vera töluvert stærra, bæði grasflöturinn og stúkan sjálf. Bláa hafið mun einoka stúkuna á morgun, er ekki í vafa um það, og stemningin mun verða góð."

Margrét heldur að það sé ekkert stress í leikmönnum. „Auðvitað gera sér allir grein fyrir mikilvægi leiksins á morgun en þessar stelpur eru orðnar svo sjóaðar í þessu öllu að ég hef ekki neinar áhyggjur af þeim. Þær munu finna rétt spennustig og koma held ég mjög öflugar til leiks."

Hvernig metur þú sigurlíkur Íslands á morgun?

„Þetta er held ég bara eins og flestir leikir þegar þú ert komin á lokakeppni Evrópumóts, þá eru þetta 50:50 leikir. Belgíska liðið er hörkugott, í hörkustandi og hefur í aðdraganda þessa móts náð góðum úrslitum og góðum frammistöðum. Eins og alltaf, og ég er búin að vera að tönglast á þessu í aðdragandanum, íslensk lið þurfa alltaf að eiga sinn besta leik til að ná úrslitum. Ég held það breytist ekkert á morgun. Við þurfum að eiga okkar allra besta leik til að ná hagstæðum úrslitum."

Viðtalið í heild sinni má sjá í spilaranum efst í fréttinni. Margrét var spurð út í gagnrýni og umfjöllun um liðið sem og meiðsli Cecilíu.

Margrét Lára fór á tvö stórmót með íslenska landsliðinu en hún lagði skóna á hilluna eftir tímabilið 2019. Hún lék á sínum tíma 124 landsleiki og skoraði 79 mörk - er markahæst í sögu landsliðsins.