Roberto Firmino og félagar í Liverpool hafa verið í basli og er brasilíski sóknarmaðurinn á lista spænska blaðsins Marca yfir leikmenn sem eru við „hlið helvítis".
Á listanum eru átta leikmenn sem hafa leikið langt undir væntingum á þessu tímabili.
Á listanum eru átta leikmenn sem hafa leikið langt undir væntingum á þessu tímabili.
Titilvörn Liverpool hefur ekki gengið að óskum og liðið fékk 4-1 skell gegn Manchester City á sunnudag.
Firmino hefur ekki staðið fyrir sínu fyrir framan mark andstæðingana á tímabilinu.
Hann skoraði í sigri gegn Tottenham nýlega en það var hans eina mark í síðustu 11 leikjum í öllum keppnum og hann hefur bara skorað samtals sex mörk á tímabilinu.
Tveir leikmenn Tottenham eru á áðurnefndum lista; Dele Alli og Gareth Bale.
Pierre-Emerick Aubameyang hjá Arsenal er einnig á honum ásamt hans fyrrum liðsfélaga Mesut Özil sem nýlega hélt til Tyrklands.
Aðrir leikmenn á listanum eru Kepa Arrizabalaga hjá Chelsea, Miralem Pjanic hjá Barcelona, Eden Hazard hjá Real Madrid og Daniel Sturridge sem hefur verið án félags í næstum eitt ár.
Athugasemdir