England: Jota, Diaz og Nunez komust á blað - Spurs með dramatískan sigur

Diogo Jota kom heimamönnum yfir með skalla eftir hornspyrnu frá Trent-Alexander Arnold en nýliðarnir svöruðu fyrir sig undir lok fyrri hálfleiks. Þeir skoruðu þá einnig eftir hornspyrnu en Dara O'Shea stangaði þá boltann í netið af krafti.

Liverpool komst í forystu á ný með umdeildu marki á 52. mínútu en Luis Diaz skoraði þá eftir undirbúning frá Harvey Elliott. Gestirnir vildu fá brot í aðdragandanum og höfðu þeir eitthvað til síns máls þar.

Það var síðan Darwin Nunez sem gulltryggði sigurinn en stuttu áður hafði hann klúðrað góðu færi. í stöðunni 2-1 fékk David Datro Fofana dauðafæri til að jafna leikinn en gerði það ekki. Fyrir það refsaði Nunez og Liverpool er aftur komið á toppinn. Manchester City á þó leik til góða. Jóhann Berg Guðmundsson var ekki í leikmannahópi Burnley í dag.

Tottenham vann dramatískan sigur á Brighton, Sheffield United vann frábæra útisigur á Luton Town, Fulham lagði Bournemouth að velli og þá vann Brentford öflugan útisigur á Wolves þar sem Ivan Toney komst á blað.

Liverpool 3 - 1 Burnley
1-0 Diogo Jota ('31 )
1-1 Dara O'Shea ('45 )
2-1 Luis Diaz ('52 )
3-1 Darwin Nunez ('79 )

Luton 1 - 3 Sheffield Utd
0-1 Cameron Archer ('30 )
0-2 James Mcatee ('36 , víti)
1-2 Carlton Morris ('52 , víti)
1-3 Vini Souza ('72 )

Fulham 3 - 1 Bournemouth
1-0 Bobby Reid ('6 )
2-0 Rodrigo Muniz ('36 )
2-1 Marcos Senesi ('50 )
3-1 Rodrigo Muniz ('52 )

Tottenham 2 - 1 Brighton
0-1 Pascal Gross ('17 , víti)
1-1 Pape Matar Sarr ('61 )
2-1 Brennan Johnson ('90)

Wolves 0 - 2 Brentford
0-1 Christian Norgaard ('35 )
0-2 Ivan Toney ('77 )