Pochettino hefur ekki farið sérlega vel af stað hjá Chelsea.
Mauricio Pochettino var sár eftir 2-0 tap Chelsea á útivelli gegn Everton í dag. Hann segir að sínir menn hafi verið sterkari aðilinn á vellinum, en því miður þá eru það mörkin sem telja í fótbolta.
Chelsea er í neðri hluta ensku úrvalsdeildarinnar eftir þetta tap, með 19 stig eftir 16 umferðir. Lærisveinar Pochettino eru búnir að tapa þremur af síðustu fjórum deildarleikjum sínum og þurfa að snúa slæmu gengi við sem fyrst ef þeir ætla sér að berjast um Evrópusæti.
„Við stjórnuðum leiknum og vorum sterkari aðilinn en það er erfitt að vinna leiki án þess að skora mörk. Það leit út fyrir að við værum búnir að lagfæra vandamálin í sóknarleiknum en í dag vantaði alla sköpunargáfuna," sagði Pochettino. „Við misstum einbeitingu þegar við leyfðum þeim að komast yfir, en við áttum að vera búnir að skora mark fyrir það."
Reece James fór meiddur af velli í fyrri hálfleik og var Pochettino svekktur með það, enda hefur James verið að glíma við erfið meiðsli undanfarin misseri.
„Mér finnst ekki gaman að finna afsakanir en raunveruleikinn er sá að við erum búnir að missa einn af bestu bakvörðum í heimi aftur í meiðsli. Malo Gusto er að ná sér af sínum meiðslum og því lentum við í vandræðum í hægri bakvarðarstöðunni.
„Við spiluðum góðan leik í dag, bæði þegar Reece var á vellinum og eftir að honum var skipt útaf. Það vantaði bara mörkin."
Markvörðurinn Robert Sánchez og vinstri bakvörðurinn Marc Cucurella fóru einnig meiddir af velli, en Pochettino vonast til að það sé ekkert alvarlegt.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
