Marcus Rashford og Lamine Yamal fagna gegn Espanyol í kvöld
Spánarmeistarar Barcelona færast nær því að verja titilinn eftir að hafa unnið nágranna sína í Espanyol, 4-1, á Camp Nou í Barcelona í kvöld.
Real Madrid tapaði stigum gegn Girona í gær og nýttu Börsungar það sér til fulls með því að vinna granna sína þægilega.
Ferran Torres kom þeim í 2-0 forystu á 25 mínútum en bæði mörkin komu eftir undirbúning frá Lamine Yamal. Í fyrra markinu stangaði Ferran boltanum í netið eftir hornspyrnu Yamal og í seinna stakk spænski táningurinn boltanum skemmtilega inn fyrir á framherjann sem potaði honum framhjá markverði Espanyol og í netið.
Pol Lozano kom Espanyol aftur inn í leikinn á 56. mínútu er hann skoraði með föstu skoti úr teignum en nokkrum mínútum áður hafði VAR tekið þriðja markið af Ferran vegna rangstöðu.
Barcelona var líklegra eftir markið hjá Espanyol og náði að ganga frá leiknum undir lokin. Yamal gerði þriðja markið er Marc Casado átti Rabona-spyrnu inn fyrir vörnina. Marko Dmitrovic, markvörður Espanyol, leit út fyrir að vera með allt upp á tíu, en tapaði einvíginu gegn Yamal, sem byrjaði að fagna áður en hann skaut boltanum í netið.
Marcus Rashford rak síðasta naglann í kistu Espanyol nokkrum mínútum síðar. Frenkie de Jong var inn á teignum, lyfti honum á fjær á Rashford sem teygði út löppina og stýrði honum í fjærhornið.
Frábært mark hjá Rashford og er Barcelona nú skrefi nær titlinum en liðið er á toppnum með níu stiga forystu þegar sjö umferðir eru eftir.
Úrslit og markaskorarar:
Elche 1 - 0 Valencia
1-0 Lucas Cepeda ('73 )
Barcelona 4 - 1 Espanyol
1-0 Ferran Torres ('9 )
2-0 Ferran Torres ('25 )
2-1 Pol Lozano ('56 )
3-1 Lamine Yamal ('87 )
4-1 Marcus Rashford ('89 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 38 | 31 | 1 | 6 | 95 | 36 | +59 | 94 |
| 2 | Real Madrid | 38 | 27 | 5 | 6 | 77 | 35 | +42 | 86 |
| 3 | Villarreal | 38 | 22 | 6 | 10 | 72 | 46 | +26 | 72 |
| 4 | Atletico Madrid | 38 | 21 | 6 | 11 | 62 | 44 | +18 | 69 |
| 5 | Betis | 38 | 15 | 15 | 8 | 59 | 48 | +11 | 60 |
| 6 | Celta | 38 | 14 | 12 | 12 | 53 | 48 | +5 | 54 |
| 7 | Getafe | 38 | 15 | 6 | 17 | 32 | 38 | -6 | 51 |
| 8 | Vallecano | 38 | 12 | 14 | 12 | 41 | 44 | -3 | 50 |
| 9 | Valencia | 38 | 13 | 10 | 15 | 46 | 55 | -9 | 49 |
| 10 | Real Sociedad | 38 | 11 | 13 | 14 | 59 | 61 | -2 | 46 |
| 11 | Espanyol | 38 | 12 | 10 | 16 | 43 | 55 | -12 | 46 |
| 12 | Athletic | 38 | 13 | 6 | 19 | 43 | 58 | -15 | 45 |
| 13 | Elche | 38 | 10 | 13 | 15 | 49 | 57 | -8 | 43 |
| 14 | Alaves | 38 | 11 | 10 | 17 | 44 | 56 | -12 | 43 |
| 15 | Sevilla | 38 | 12 | 7 | 19 | 46 | 60 | -14 | 43 |
| 16 | Osasuna | 38 | 11 | 9 | 18 | 44 | 50 | -6 | 42 |
| 17 | Mallorca | 38 | 11 | 9 | 18 | 47 | 57 | -10 | 42 |
| 18 | Levante | 38 | 11 | 9 | 18 | 47 | 61 | -14 | 42 |
| 19 | Girona | 38 | 9 | 14 | 15 | 39 | 55 | -16 | 41 |
| 20 | Oviedo | 38 | 6 | 11 | 21 | 26 | 60 | -34 | 29 |
