Albert Brynjar og Davíð Smári.
Kórdrengir verða í 2. deild í sumar eftir að hafa sigrað 3. deildina síðasta sumar og fór upp úr 4. deildinni árið áður. Rætt var um 2.- og 3. deildina í hlaðvarpsþættinum Ástríðan sem er gefið út af Fótbolti.net.
Ingólfur Sigurðsson stýrði þættinum og gestir hans voru þeir Baldvin Már Borgarsson og Óskar Smári Haraldsson. Hægt er að hlusta á þáttinn hér neðst í fréttinni.
„Hvað erum við að fara sjá frá þeim í sumar?" spurði Ingó strákana.
Ingólfur Sigurðsson stýrði þættinum og gestir hans voru þeir Baldvin Már Borgarsson og Óskar Smári Haraldsson. Hægt er að hlusta á þáttinn hér neðst í fréttinni.
„Hvað erum við að fara sjá frá þeim í sumar?" spurði Ingó strákana.
„Ég held að Kórdrengir verði góðir. Sjáðu bara leikmannahópinn, þetta er rosalegur leikmannahópur. Þú ert með Albert Brynjar (Ingason) frammi og fleiri sem hafa spilað í efstu deild. Auðvitað getur það farið (á þann veg) að það klikki eitthvað. Það er langmesta pressan í þessari deild," sagði Óskar Smári.
Baldvin greip boltann á lofti og hélt áfram: „Þeir verða alltaf góðir. Hvort þeir verða í 1.- 2.- eða 3. sæti veit maður ekki en þeir verða alltaf drullugóðir. Ef Albert Brynjar hefði ekki ákveðið að fara frá Fjölni þá væri hann lykilleikmaður í Pepsi, hann er með þau gæði."
Strákarnir nefndu gæðaleikmenn sem Kórdrengir eru með innanborðs og Baldvin hélt svo áfram:
„Þetta er grín að þessi leikmannahópur skuli vera í 2. deild, þannig sé ég þetta."
Umræðan hélt áfram og var þjálfarateyminu, Davíð Smára og Andra Steini, hrósað fyrir dugnað að mæta á leiki liða með glósubókina með sér.
Athugasemdir
