Fótbolti.net

Adam Ægir: Var bara kominn tími á að borga til baka

Elías Már: Ætla rétt að vona það

„Kemur að leiknum sem við fáum á okkur minna en tvö mörk“

Sölvi hefur engar áhyggjur af sektum vegna blysa - „Voru einhverjir Blikar í Kópavoginum“

Samúel Kári: Á endanum verður maður líka að hugsa um sjálfan sig

Hemmi hæstánægður með stórsigurinn „Það mega allir halda áfram að blaðra og bulla"

Óskar búinn að æfa skallana - „Þeir eiga ekkert að gleyma mér“

Fyrsta markið fyrir Þór var sérstakt - „Hef skorað mörk hægri vinstri í Noregi"

Siggi Höskulds eftir stóran dag: Ein flottasta varsla sem ég hef séð

Hundóánægður með hugarfar Eyjamanna - „Margir höfðu ekki áhuga á að verjast“

Þurfa að endurmeta undirbúninginn - „Getum ekki boðið fólki upp á þetta"

Aron Sig: Þá er þetta dautt

Óskar Hrafn: Vona að það styttist í að menn haldi einbeitingu í 90 mínútur

Haraldur Freyr um völlinn: Hefur bara hellings áhrif

Stefan Ljubicic: Bara teipað og tvær til þrjár verkjatöflur

Óli ekki með miklar áhyggjur af bitleysi Blika - „Eigum eftir að laga þetta“

Stubbur: Jú jú, það var eitthvað að gera

Haddi: Fer ánægður með stigið norður

Lárus Orri: Hann hlýtur að vera í liði umferðarinnar

Davíð Smári: Gaman að byrja þetta með alvöru hvelli

fös 12. ágúst 2022 22:45

Mist Rúnarsdóttir

Elísa: Ég veit ekki einu sinni hvenær bikarúrslitaleikurinn er

Elísa og Valskonur eru á leið í langþráðan bikarúrslitaleik

Mynd: Fótbolti.net - Hafliði Breiðfjörð

Elísa Viðarsdóttir, fyrirliði Vals, var stolt af liðinu sínu eftir 3-1 útisigur á Stjörnunni í undanúrslitum Mjólkurbikarsins.

„Við eigum þetta svo skilið eftir frammistöðu kvöldsins. Ég er svo stolt af liðinu og að vera komin á þennan stað. Ég get ekki beðið eftir að mæta á Laugardalsvöll,“ sagði fyrirliðinn í samtali við Fótbolta.net.

Lestu um leikinn: Stjarnan 1 - 3 Valur

Valur og Stjarnan mættust fyrir stuttu í deildinni og sá leikur var jafn og spennandi. Leikurinn í kvöld varð það hinsvegar aldrei því Valskonur höfðu mikla yfirburði strax frá byrjun. Elísa sagði þó að Valsliðið hefði engu breytt í nálgun sinni fyrir leikinn í kvöld.

„Við héldum bara í okkar gildi og ákváðum að mæta í leikinn frá fyrstu mínútu. Ég held að það hafi kannski skorið á milli. Við náðum að setja mark á þær snemma. Það er oft erfitt að bíða eftir marki og þá á maður alltaf á hættu að fá eitt í andlitið á móti. En að hafa náð að setja hann svona snemma og hvað þá þrjú í fyrri hálfleik, það drap leikinn svolítið að mínu mati.“

Valskonur geta ekki leyft sér að fagna of kröftuglega í kvöld þar sem Meistaradeildin er handan við hornið og Valskonur leggja í hann strax aðfaranótt mánudags. Þær verða því að setja bikarkeppnina til hliðar, rétt eins og Íslandsmótið þar sem þær leiða. Elísa segir það ekkert truflandi að hoppa á milli ólíkra verkefna.

„Það hefur verið svolítið þannig í sumar. Við erum svolítið að taka, þessi gamla góða klisja, einn leik í einu. Það hentar okkur vel og við erum ekkert að fara fram úr okkur og hugsa of langt fram í tímann. Það er ofboðslega spennandi verkefni sem bíður okkar og við ætlum að standa okkur vel þar,“ sagði Elísa og bætti við: „Ég veit ekki einu sinni hvenær bikarúrslitaleikurinn er. Við erum ennþá inni í öllum keppnum og það eru forréttindi að vera að berjast um titla allsstaðar. Við erum forréttindapésar.

Hægt er að horfa á allt viðtalið við Elísu í spilaranum hér að ofan.