Mikel Arteta, stjóri Arsenal, staðfesti eftir æfingaleik liðsins gegn Lyon í gær að japanski bakvörðurinn Takehiro Tomiyasu verði fjarverandi næstu vikurnar vegna meiðsla.
Það þýðir að hann muni missa af byrjun tímabilsins en Arsenal hefur leik í úrvalsdeildinni þegar liðið mætir Wolves á laugardaginn.
Tomiyasu hefur ekkert getað spilað með Arsenal á undirbúningstímabilinu vegna meiðsla.
„Þetta mun taka nokkrar vikur því miður. Aumingja Tomiyasu, hann hefur verið frábær fyrir okkur. Hann verður að vera þolinmóður og vinna sig í gegnum þetta," sagði Arteta.
Japanski landsliðsmaðurinn kom við sögu í 22 leikjum með Arsenal í ensku úrvalsdeildinni á síðustu leiktíð.
Athugasemdir
