Frakkland vann 2-1 sigur á Spáni í úrslitaleik Þjóðadeildarinnar síðasta sunnudag.
Spánverjar voru ósáttir við sigurmark Frakka í leiknum. Kylian Mbappe kom Frökkum í 2-1 á 80. mínútu. Theo Hernandez átti sendingu inn fyrir á Mbappe sem lék á Unai Simon áður en hann ákvað að renna boltanum í netið.
Mbappe virtist í rangstöðu þegar sendingin kom frá Theo en Eric Garcia reyndi að komast inn í sendinguna og taka á móti boltanum.
Dermot Gallagher, fyrrum dómari í ensku úrvalsdeildinni, segir að það hafi verið rétt að leyfa markinu að standa. Hann sagði jafnframt - í samtali við Sky Sports - að hann væri ekki hrifinn af þessari reglu. Mbappe hafi áhrif á varnarmanninn, en sé samt sem áður ekki dæmdur rangstæður.
Jan Vertonghen, fyrrum varnarmaður Tottenham sem spilar núna með Benfica, tekur undir með Gallagher. „Versta regla sem til er í fótbolta. Lagið þetta, takk!"
Worst rule in football! Sort it out please… https://t.co/E4krSNpgWC
— Jan Vertonghen (@JanVertonghen) October 11, 2021
Athugasemdir