Elliott gekk í raðir Liverpool frá Fulham árið 2019 en hann var þá samningslaus en Fulham vildi fá mun hærri uppeldisbætur en meistararnir vildu borga.

Fulham fór því með málið fyrir rétt og var Liverpool á dögunum skipað að borga 4,3 milljónir fyrir leikmanninn.

Parker segir að það sé alltof lág upphæð en Elliott var aðeins 16 ára gamall er hann skipti um félag.

„Þetta er svekkjandi því þetta er leikmaður sem þróaði sinn leik hjá félaginu í langan, langan tíma,"sagði Parker.

„Við gáfum honum fyrsta leikinn. Þú vilt ekki eyða 20-30 milljónum í leikmenn og þess vegna er akademían mikilvæg. Við viljum þróa þessa leikmenn. Við þróuðum þennan leikmann svo að stærra félag gæti sótt hann."

„Fjórar milljónir punda fyrir leikmann sem við bjuggum til og höfðum miklar mætur á. Svo fer hann eins og hann fer, það er klikkun."