Guehi til sölu - Everton hafnaði fyrirspurnum í Branthwaite - Wharton falur fyrir 70 milljónir
Óskar Borgþórs hótaði að rífa sig úr að ofan - „Það var bara til að æsa aðeins"
Evrópusætið ekki lengur í höndum Breiðabliks - „Ömurleg tilfinning"
Sölvi Geir virkilega ánægður: Hefur reynst okkur erfiður útivöllur í gegnum tíðina
Samantha: Vildum sýna að við eigum titilinn skilið
Guðni: Hún mun nýtast land og þjóð vel í komandi framtíð
Nik: Fagnaðar dagur fyrir þær í dag
Thelma Karen: Ég þarf að sjá hvað ég ætla að gera
Einar Guðna: Við þurfum að gera betur og lenda ofar
Jóhannes Karl: Þannig er fótbolti
Jói Bjarna: Erum að smella í gang
Haukur Andri: Höfum verið óheppnir með úrslit
Þorsteinn opnar nýjan kafla: Ágætis tímapunktur til að skipta út og gera breytingar
„Vonandi að fólk sjái að maður geti spilað gegn svona leikmönnum“
Ógeðslega erfitt að horfa frá bekknum - „Fannst ég ná að stríða og djöflast í þeim“
Sverrir Ingi um baráttuna við Mateta - „Ógnarsterkur náungi“
Daníel Tristan: Það er miklu erfiðara finnst mér
Stærsta augnablikið á ferlinum til þessa - „Það voru allir trylltir"
Hákon Arnar: Verður áhugavert hvað menn segja núna
Ísak: Höfðum getað vorkennt sjálfum okkur og haldið að þetta væri búið
Elías notaði orð sem Arnar elskar - „Verður líka að kunna það"
banner
   lau 13. apríl 2024 17:27
Sæbjörn Þór Þórbergsson Steinke
Dóri Árna: Dagur lagt hart að sér og átti þetta skilið
Dóri á hliðarlínunni í dag.
Dóri á hliðarlínunni í dag.
Mynd: Fótbolti.net - Hafliði Breiðfjörð
'Ekkert sem kom á óvart þar'
'Ekkert sem kom á óvart þar'
Mynd: Fótbolti.net - Hafliði Breiðfjörð
Frábært að sjá hann á vellinum, frábært fyrir hann að koma inn aftur og mikilvægt fyrir okkur að fá hann í hópinn
Frábært að sjá hann á vellinum, frábært fyrir hann að koma inn aftur og mikilvægt fyrir okkur að fá hann í hópinn
Mynd: Fótbolti.net - Hafliði Breiðfjörð
Það var fínt að klára þann kafla með marki og geta tekið algjöra stjórn á leiknum
Það var fínt að klára þann kafla með marki og geta tekið algjöra stjórn á leiknum
Mynd: Fótbolti.net - Hafliði Breiðfjörð
„Eðlilega kannski (tók tíma að brjóta þá niður) þeir eru með gott lið og góða leikmenn. Þeir mæta í þéttri blokk rétt fyrir framan teiginn sinn og gríðarlega erfitt að komast í gegnum blokkina. Við örlítið skerptum á hlutunum í hálfleik og strax fannst mér við sýna hvað við ætluðum okkur. Um leið og fyrsta markið kemur þá breytir það leiknum," sagði Halldór Árnason, þjálfari Breiðabliks, eftir sigur gegn Vestra í 2. umferð Bestu deildarinnar.

Lestu um leikinn: Breiðablik 4 -  0 Vestri

„Það sem ég var líka ánægður með að markið kom ekki alveg upp úr þurru, vorum búnir að virkilega hóta því að skora í sóknunum á undan. Það var fínt að klára þann kafla með marki og geta tekið algjöra stjórn á leiknum."

Alexander Helgi Sigurðarson og Kristinn Jónsson voru ekki með í dag. „Staðan á þeim er bara ágæt, það er ekkert alvarlegt. Kiddi stífnaði aðeins upp og Lexi fékk högg. Núna, svona í byrjun móts, þá er algjör óþarfi að taka einhverja sénsa með mann. Þeir hvíldu í dag og ég geri ráð fyrir þeim í næsta leik. Þeir sem komu inn í staðinn stóðu sig hrikalega vel og frábært að geta notað breiddina og hópinn."

Kom þér á óvart hversu lítið Vestri ógnaði í leiknum?

„Plan mitt og allra liða er að fá á sig eins fá færi og hættulegar sóknir og hægt er. Þeir eru með sterka menn og hafa ákveðin vopn. Mér fannst við bara gera gríðarlega vel í að pressa og vorum duglegir að hlaupa til baka þegar til þurfti. Fyrst og fremst er ég bara ánægður með varnarvinnuna hjá mínu liði."

Frábært að sjá hann á vellinum
Patrik Johannesen sneri aftur á völlinn eftir tæplega árs fjarveru vegna meiðsla.

„Það var frábært að sjá hann aftur á vellinum, hann er búinn að bíða lengi eftir þessu, búinn að vera hrikalega duglegur í sinni endurhæfingu og búinn að leggja mikla vinnu á sig. Frábært að sjá hann á vellinum, frábært fyrir hann að koma inn aftur og mikilvægt fyrir okkur að fá hann í hópinn."

Með rosalegan hægri fót
Dagur Fjeldsted skoraði sitt fyrsta mark í efstu deild í dag. „Ekkert sem kom á óvart þar, spilaði vel á undirbúningstímabilinu og skoraði mörk. Hann er mjög ferskur á æfingum og skorar mikið, er með rosalegan hægri fót. Mjög verðskuldað, hann er búinn að leggja hart að sér og átti þetta skilið."

Alvöru prófraun framundan
Breiðablik er með fullt hús stiga en í næsta leik er alvöru prófraun þegar Blikar heimsækja Íslands- og bikarmeistarana í Víkina.

„Það er Víkin næst, svo KR-völlurinn og svo Valur. Þetta er verkefni sem við erum þvílíkt spenntir fyrir. Ég hlakka til að setjast niður á eftir og byrja undirbúa næsta leik. Maður er í þessu fyrir þessa leiki, við erum spenntir og verðum vel undirbúnir fyrir þann leik," sagði Dóri.
Athugasemdir
banner
banner