Alexander Aron Davorsson
„Fyrstu viðbrögð mín í dag eru að ég er bara virkilega stoltur af liðinu. Við fórum aðeins út fyrir okkar hefðbundna fótbolta. Þetta var kannski ekki skemmtilegt fyrir augað en við þurftum að mæta svpna góðu liði eins og Keflavík með baráttu eins og við gerðum í dag.“
Sagði Alexander Aron Davorsson þjálfari Aftureldingar um sín fyrstu viðbrögð eftir 2-1 sigur Aftureldingar á Keflavík á HS-Orkuvellinum í kvöld.
Sagði Alexander Aron Davorsson þjálfari Aftureldingar um sín fyrstu viðbrögð eftir 2-1 sigur Aftureldingar á Keflavík á HS-Orkuvellinum í kvöld.
Lestu um leikinn: Keflavík 1 - 2 Afturelding
Leikur Aftureldingar í kvöld einkenndist af aga og sterkum varnarleik, svolítið sem liðinu hefur vantað eftir að hafa fengið á sig tíu mörk í fyrstu þremur leikjum mótsins. Var farið svolítið aftur í grunnvinnuna fyrir leikinn?
„Já algjörlega en við lentum meira að segja í mótlæti í dag þegar vítaspyrna var dæmd réttilega eftir einhverjar tíu mínútur. Mér finnst við alltaf svara kallinu vel og það hlaut að koma að því að þetta datt aðeins með okkur og svo var liðsheildin frábær.“
Afturelding var duglegt á leikmannamarkaðnum undir gluggalok en það kemur ekki til af góðu einu en fjölmargir leikmenn hjá liðinu eru í langtímameiðslum.
„Stundum þegar óheppnin kemur yfir mann þá dettur allt á móti þér. En mér finnst eitt það skemmtilegasta við fótbolta að lenda í smá mótlæti og þurfa að koma til baka og hugsa hlutina upp á nýtt. Og mér finnst það klárlega hafa tekist hér í dag.
Sagði Alexander en allt viðtalið má sjá hér að ofan.
