Heimir var vonsvikinn að fá ekki fleiri stig í kvöld.
Heimir Guðjónsson, þjálfari Vals, var vonsvikinn með úrslit dagsins þegar að hans lið gerði markalaust jafntefli gegn Stjörnunni í Pepsi Max-deildinni í kvöld.
„Það eru vonbrigði að tapa stigum á heimavelli en við getum líka litið á þetta sem framför þar sem að okkur hefur ekki gengið vel hérna á heimavelli." sagði Heimir eftir leik.
„Það eru vonbrigði að tapa stigum á heimavelli en við getum líka litið á þetta sem framför þar sem að okkur hefur ekki gengið vel hérna á heimavelli." sagði Heimir eftir leik.
Lestu um leikinn: Valur 0 - 0 Stjarnan
Leikurinn var heilt yfir nokkuð bragðdaufur en Valsmenn fengu fleiri tækifæri til að skora í leiknum.
„Mér fannst við fá fullt af möguleikum til að skora í leiknum en Halli er góður í marki og við gerðum ekki nógu vel á síðasta þriðjungnum."
Valur er með 10 stig eftir sex leiki og eru sem stendur í fimmta sæti deildarinnar.
„Við munum halda áfram og næst er erfiður leikum á móti Breiðablik. Þannig að við verðum bara að æfa vel í vikunni og vera klárir á sunnudaginn" sagði Heimir að lokum.
Nánar er rætt við Heimi í spilaranum að ofan.
