Brynjar Kristmundsson.
„Við vissum frá 10. mínútu hvernig staðan var í öðrum leikjum. Við þurftum að gera það til að halda mönnum við efnið. Við ætluðum bara að njóta síðasta leiksins saman sem við gerðum og fínt að ná í sigur. Þetta tapaðist ekki hérna í dag," sagði Brynjar Kristmundsson þjálfari Víkings Ólafsvík eftir 3 - 1 sigur á Kormáki/Hvöt í 2. deild karla í dag en þrátt fyrir sigurinn fer liðið ekki upp því Völsungur burstaði KFA á sama tíma.
Lestu um leikinn: Víkingur Ó. 3 - 1 Kormákur/Hvöt
„Þegar ég kom hingað og tók við þá var mitt markmið að gera Ólafsvíkurvöll aftur að þeirri gryfju sem við erum búnir að gera en það var einhver grýla á útivöllum sem varð okkur að falli," hélt hann áfram.
„Þetta var komið of mikið í hausinn á okkur og við töpuðum of mörgum stigum. Við vorum of lélegir í mörgum leikjum á útivelli. Það er erfitt að ætla sér upp ef þú vinnur bara tvo útileiki, sagði hann.
Nánar er rætt við hann í spilaranum að ofan. Hann ræðir þar um framtíð sína enda samningur hans að renna út. Hann segir að framhaldið skýrist í kjölfarið hvort hann fari í viðræður við Víking eða annað, hann hafi þó áhuga á að vera áfram með Ólafsvíkurliðið.
Athugasemdir
