14.11.19 - 18:58
Guðmundur Aðalsteinn Ásgeirsson
Ísland þarf að fara í umspil (Staðfest)
Niðurstaðan var markalaust jafntefli í Istanbúl.
Mynd: Fótbolti.net - Hafliði Breiðfjörð
Niðurstaðan var markalaust jafntefli í Istanbúl.
Mynd: Fótbolti.net - Hafliði Breiðfjörð
Tyrkland 0 - 0 Ísland
Lestu nánar um leikinn
Lestu nánar um leikinn
Ísland þarf að fara í umspil um að komast á lokakeppni EM 2020 eftir markalaust jafntefli gegn Tyrklandi í kvöld.
Íslendingar þurftu að vinna leikinn til að halda möguleikanum lifandi að komast beint úr riðlinum á EM.
Eins og oft áður í riðlinum, þá voru Tyrkir sterkir varnarlega og fengu Íslendingar ekki mörg góð færi til að skora. Þegar líða fór undir lok leiksins einbeittu Tyrkir sér alfarið að varnarleiknum og að halda marki sínu hreinu.
Besta færi Íslands, og líklega besta færi leiksins, fékk varamaðurinn Hörður Björgvin Magnússon á 82. mínútu. Hann átti þá skalla eftir hornspyrnu Gylfa og björguðu heimamenn í Istanbúl á línu.
Stuttu síðar fékk Guðlaugur Victor Pálsson gott færi á fjærstönginni, en skot hans fór í varnarmann.
Lokatölur 0-0 og ljóst er að Ísland fer ekki áfram úr riðlinum. Tyrkland og Frakkland gera það.
Ísland fer, að öllum líkindum, í umspil í mars og á því enn möguleika á að komast á mótið.
Íslendingar þurftu að vinna leikinn til að halda möguleikanum lifandi að komast beint úr riðlinum á EM.
Eins og oft áður í riðlinum, þá voru Tyrkir sterkir varnarlega og fengu Íslendingar ekki mörg góð færi til að skora. Þegar líða fór undir lok leiksins einbeittu Tyrkir sér alfarið að varnarleiknum og að halda marki sínu hreinu.
Besta færi Íslands, og líklega besta færi leiksins, fékk varamaðurinn Hörður Björgvin Magnússon á 82. mínútu. Hann átti þá skalla eftir hornspyrnu Gylfa og björguðu heimamenn í Istanbúl á línu.
Stuttu síðar fékk Guðlaugur Victor Pálsson gott færi á fjærstönginni, en skot hans fór í varnarmann.
Lokatölur 0-0 og ljóst er að Ísland fer ekki áfram úr riðlinum. Tyrkland og Frakkland gera það.
Ísland fer, að öllum líkindum, í umspil í mars og á því enn möguleika á að komast á mótið.
The game ends with a goalless draw.
— Knattspyrnusambandið (@footballiceland) November 14, 2019
#fyririsland pic.twitter.com/12gtmljYDX
