Mónakó 1 - 4 PSG
PSG og Mónakó mættust í annað sinn á fjórum dögum í frönsku deildinni. Á sunnudag gerðu liðin 3-3 jafntefli á heimavelli PSG.
PSG og Mónakó mættust í annað sinn á fjórum dögum í frönsku deildinni. Á sunnudag gerðu liðin 3-3 jafntefli á heimavelli PSG.
PSG var með fimm stiga forskot á Marseille í öðru sætinu fyrir leik kvöldsins og Monaco var í 7.- 10. sætinu með 29 stig, sautján stigum minna en PSG.
Kylian Mbappe skoraði fyrsta markið á 24. mínútu. Hann fékk sendingu inn fyrir vörn heimamanna og kláraði með skoti í fjærhornið.
Neymar kom PSG í 0-2 fyrir háflleiksflautið með marki úr vítaspyrnu undir lok hálfleiksins. Á 72. mínútu skoraði svo varamaðurinn Paolo Sarabia þriðja mark gestanna þegar hann kom boltanum í netið eftir undirbúning Marco Veratti.
Mónakó klóraði í bakkann á 87. mínútu. Tiemoue Bakayoko þegar hann stýrði boltanum í netið eftir aukaspyrnu. PSG bætti enn í undir lokin, Kylian Mbappe skoraði þá eftir undirbúning Neymar, laglegt mark eftir skyndisókn. Mörkin urðu ekki fleiri og 1-4 sigur gestanna staðreynd.
PSG er eftir leikinn með átta stiga forskot í toppsætinu. Fyrr í kvöld lagði Rennes lið Nimes, 0-1, á útivelli og Amiens og Reims gerðu 0-0 jafntefli.
Athugasemdir