Úrvalslið fyrri hluta Lengjudeildarinnar

Fótbolti.net hefur valið úrvalslið fyrri hluta Lengjudeildarinnar en þar eru það efstu lið deildarinnar sem eiga fulltrúa.

Flestir leikmenn koma frá HK, eða fjórir talsins. Þrír koma úr Fylki og þá eiga Selfoss og Grótta tvo fulltrúa hvort lið.

Leikmaður fyrri hlutans: Kjartan Kári Halldórsson, Gróttu
Er langmarkahæstur í deildinni með 12 mörk. Strákur sem varð 19 ára fyrr í þessum mánuði. Gerði 8 mörk í deildinni í fyrra og hefur svo farið með himinskautum í ár.

Þjálfari fyrri hlutans: Chris Brazell, Gróttu
Þrítugur Englendingur sem hefur náð eftirtektarverðum árangri með Gróttu. Var yfirþjálfari yngri flokka hjá félaginu áður en hann tók við meistaraflokknum. Gróttu var spáð 9. sæti fyrir mótið en er sem stendur í öðru sæti.