Heimild: Sky Sports 

Merson segir að það sé ekki sjálfgefið að Newcastle nái árangri og segir að félagið þurfi í það minnsta sautján nýja leikmenn.

„Mér finnst fólk vera farið fram úr sér og hugsi að þetta sé eins og þegar Jack Walker var hjá Blackburn og þeir urðu meistarar. Það eru akkúrat engar líkur á því," skrifar Merson í grein sinni.

„Ég vil ekki vera sá sem eyðileggur partýið en allir eiga pening núna og Newcastle þarf sautján leikmenn!"

Merson segir að kjarninn hjá félaginu sé ekki það góður að það sé hægt að fá inn nokkra heimsklassa leikmenn og liðið verði þá í toppbaráttu. Hann segir að félagið þurfi allt nýtt.

„Þú getur ekki farið út og keypt heiminn, og jafnvel þó þú getir farið og keypt fimm 150 milljón punda leikmenn þá muntu ekki vinna allt. Þú verður að fara og kaupa heilt lið."

„Hvað munu leikmenn eins og Jesse Lingard og Dele Alli gera fyrir Newcastle? Þeir eru betri en þeir sem eru núna hjá félaginu en þeir komast ekki í liðið hjá sínum félögum. Þeir eru ekki að fara vinna neitt fyrir félagið. Ég er ekki viss um að eigandinn átti sig á því að þetta verði ekki frábært lið á einni nóttu. Þetta er ekki Football Manager," segir Merson.

Smelltu hér til að lesa greinina í heild sinni.