Sóknarmaðurinn Sveinn Aron Guðjohnsen hefur verið kallaður upp í A-landslið Íslands og gæti því spilað sinn fyrsta A-landsleik er Ísland heimsækir England í Þjóðadeildinni á miðvikudaginn.
Sveinn Aron hefur gert 5 mörk í 13 leikjum fyrir U21 landsliðið og er í byrjunarliðinu sem heimsækir Írland í undankeppni fyrir EM U21 árs landsliða í dag.
Sveinn mun ganga til liðs við A-landsliðshópinn eftir leiki dagsins en þessi ungi sóknarmaður spilar fyrir OB í danska boltanum að láni frá ítalska félaginu Spezia. Sveinn hefur þó ekki fengið mikið af tækifærum í danska boltanum.
Sveinn er 22 ára gamall og gæti orðið fyrsti sonur Eiðs Smára Guðjohnsen til að spila fyrir A-landsliðið.
Athugasemdir
