David Ornstein, sem er einn áreiðanlegasti íþróttafréttamaður Bretlands, segir að kaupverði verði allt að 40 milljónir evra.

Hinn 22 ára gamli Vieira mun fljúga til London í kvöld og búist er við því að hann muni skrifa undir fimm ára samning.

Vieira spilaði 39 leiki með Porto á tímabilinu sem var að klárast, skoraði sjö mörk og lagði upp 16. Hann er sóknarsinnaður miðjumaður en getur líka spilað aftar og sem fölsk nía.

Vieira er byrjunarliðsmaður í U21 landsliði Portúgals sem var með Íslandi í riðli í undankeppni EM.

Mikel Arteta, stjóri Arsenal, er sagður vera mikill aðdáandi leikmannsins.

Vieira verður annar leikmaðurinn sem Arsenal fær í sumar. Áður voru kaupin á Marquinhos, 19 ára gömlu kantmanni frá Brasilíu, staðfest.